Бизнис Е-пакетите носат конкретни заштеди: според Банката, годишните заштеди започнуваат од 17.000 денари и може значително да пораснат во зависност од обемот и типот на трансакции.
Дополнително, приклучувањето на УНИБанка кон СЕПА системот значи побрзи и поевтини плаќања кон европските земји — предност особено важна за компании со меѓународни активности.
Понудата опфаќа неколку нивоа на пакети, со месечна претплата почнувајки од 690 денари, насочени кон различни профили на клиенти: претприемачи, стартапи и мали компании со умерен обем на трансакции; компании со голем број дневни трансакции, кои ќе профитираат од вклучените КИБС и МИПС трансакции; фирми со странска соработка, девизни приливи и плаќања, за кои се достапни пакети со неограничени девизни приливи, различен обем девизни одливи и вклучени СЕПА трансфери.
Пакетите се дизајнирани според обемот и типот на работење и се дигитално достапни, без потреба од посета на експозитура. Со оваа понуда, УНИБанка ја истакнува својата позиција како современа европска Банка и партнер на бизнисите во нивниот развој.
Огромни заштеди. Големи и суштински разлики меѓу тоа да користите E-пакети и да не користите!
Капитал направи анализа на оваа иновација на банкарскиот пазар од страна на УНИБанка од аспект на тоа што значи една компанија да има и во случај кога би немала Е-пакет. Разликите се воочливи и прилично драстични и релевантни.
УНИБанка нуди пет практични Е-Пакети – S, M, L, XL и XXL – прилагодени на обемот на вашето работење. Сите пакети вклучуваат: без надоместок за одржување на сметка, мобилно и електронско банкарство, бизнис дебитна картичка, изводи во МКД, преглед за УЈП и уплата на дневен промет (Cash In).
Од основниот Е-Пакет S со месечна цена од 690 МКД и годишна заштеда до 17.700 МКД, до најголемиот Е-Пакет XXL, кој овозможува неограничени трансакции и најголема заштеда, секој бизнис може да избере пакет кој ги покрива неговите потреби по најповолни услови.
Со вклучени интерни, КИБС и МИПС налози, како и девизни приливи и плаќања, Е-Пакетите се дизајнирани да ги намалат вашите трошоци и да го забрзаат банкарското работење.
Сите услови и поволности можете да ги погледнете на нивната веб страна: https://unibank.mk/mk-MK/smetki-pravni.nspx#!#paket-na-uslugi
Преземено од: Kapital.mk