Ипард - до 600.000 евра неповратен грант за
опремување на соби, апартмани, хотели,
бунгалови, ресторани
Доколку планирате да инвестирате во рурален туризам, тогаш ИПАРД мерка 7 е токму за вас, бидејќи преку неа имате можност да добиете поврат на средстства во висина од 60% од инвестицијата.
Клучна цел на приоритетниот сектор „Рурален туризам“ е поддршка на развојот на руралниот туризам преку инвестиции во развој на објекти за рурален туризам, создавање и модернизација на сместувачки капацитети и угостителски објекти, креирање на рановидни рекреативни услуги во руралните средини, развивање на активности што се поврзани со обичаите, занаетчиството и типичните видови храна.
Овој грант следува за сместување во соби, апартмани, кампови, бунгалови, ресторански услуги – Инвестиции во градба / реконструкција за туристички цели во рурални средини мора да го следат традиционалниот стил на градба или да е во согласност со пејсажниот амбиент на околината.
Висина на поддршка
60% од вкупните прифатливи трошоци на инвестицијата.
Финансиската поддршка ќе се зголеми за дополнителни 10 % (но кумулативно не повеќе од 75%) за инвестиции во обновливи извори на енергија, во третман на отпадни води и во продуктивна употреба на отпадни материјали – циркуларна економија.
Минимално вкупно прифатливи трошоци за поединечен проект: 10.000 €
Максимална финасиска поддршка која може да се додели за поединечен проект: 600.000 €
Во текот на целата програма по корисник може да се доделат максимум до 1,5 милиони евра.
Може да аплицира и новоформирана фирма (која е сеуште ниедна завршна сметка) но тогаш може да се додели максимум до 100.000 евра.
Половина од средствата предвидени за грантот, по одобрување на истиот, ќе бидат исплатени аванско како предфинасирање, а половина по ставањето на аплицираната инвестиција во функција.
Кој и за што може да аплицира
- Физичко лице – со или без регистрирана дејност (кое потоа до крајот на проектот ќе биде регисрирано како: угостител, сопственик на сместувачки капацитет). Може да аплицира за инвестиција до максимален капацитет:
- за сместувања во затворен простор (соби, апартмани, ноќевање и појадок, само-угостителски колиби) до 10 соби или до 20 легла;
- за сместувања во за сместување во отворен простор (бунлагови, кампови, камп-приколки) до 10 сместувачки единици или до 30 легла;
- Угостителска дејност (готвење и служење на храна) – до 50 седишта;
- Комбинирани услуги – сместување и угостителски услуги.
- Правно лице – регистрирано во Централен регистар, кои не вработуваат над 50 вработени и немаат годишен обрт над 10 милиони €. Може да аплицира за инвестиција до максимален капацитет:
- за сместувања во затворен простор (соби, апартмани, ноќевање и појадок, само-угостителски колиби) до 20 соби или до 30 легла;
- за сместувања во за сместување во отворен простор (бунлагови, кампови, камп-приколки) до 15 сместувачки единици или до 30 легла;
- Угостителска дејност (готвење и служење на храна) – до 150 седишта;
- Комбинирани услуги – сместување и угостителски услуги.
- Дополнитѕелно правно лице може да аплицира и за:
- Обезбедување на простории за дегустација, продажба и директен маркетинг на производите
- Рурални музеи (згради и изложбени предмети за разгледување на историски, природни, традиционални, образовни, земјоделски и други добра од руралните средини, како и ботанички и зоолошки градини)
- Обезбедување на простории за семинари и обуки, едукативни фарми
- Обезбедување на рекреативни активности за туристите
Предуслови за аплицирање
За овој грант може да аплицираат физички или правни лица кои покрај погорните услови, ги исполнуваат критериумите за подобност:
- Инвестициите мора да бидат спроведени на сопствен имот на корисникот или на имот закуп од најмалку 7 години од датумот на поднесување на барањето;
- Корисникот мора да прикаже изгледи за континуитет во работењето во текот на најмалку 5 години;
- Најдоцна до крајот на проектот корисникот мора да биде усогласен со главните релевантни национални минимални стандарди за соодветната област;
- Погодна локација – Клучен предуслов за аплицирање е локацијата на која е планирано да се реализира инвестицијата да се наоѓа во рурална средина, односно населено место со помалку од 30.000 жители. Ова ги опфаќа селата во Македонија, но и градовите: Берово, Богданци, Валандово, Виница, Гевгелија, Дебар, Делчево, Демир Капија, Демир Хисар, Кавадарци, Кичево, Кочани, Кратово, Крива Паланка, Крушево, Македонска Каменица, Македонски Брод, Неготино, Пехчево, Пробиштип, Радовиш, Ресен, Свети Николе и Струга – Погледнете ја целосната листа на линков ОВДЕ.
Прифатливи инвестиции
Неповратниот грант во максимален износ до 600.000 евра може да се искористи за покривање на 60% од трошоците за целосно внатрешно и надворешно уредување:
-
Набавка на нова опрема за сместувачки капацитети (мебел, апарати и друга опрема за санитарен дел, административен дел, заеднички простории итн.)
-
Набавка на нова опрема за угостителство и кујнска опрема, вклучувајќи кујнски и угостителски прибор
-
Опремување на рекреативни и спортски објекти (отворени и затворени)
-
Набавка на опрема и машини за уредување на дворови, декорација на градини, патеки, фонтани, надворешно осветлување, надворешни скари, затворени градини, летниковци, видиковци, маси и седишта за пикник итн.
-
Набавка и поставување на фотоволтаици за сопствени потреби
-
Компјутерска опрема и софтвер
Покрај опрема и машини, може да се инвестира и во изградба на нови или реконструкција/реновирање на постоечки објекти кои ќе се користат како сместувачки капацитети или угостителски објекти, и тоа:
-
Набавка на градежни материјали и елементи за издрадба на нови објекти или реконструкција и адаптација на постоечки објекти (згради и инфраструктура за целосно функционален капацитет)
-
Обезбедување на пристап, уредување и оградување
-
Сите потребни работни операции и услуги (уривање, подготовка на терен, градежни работи, реконструкција, занаетчиски активности, транспорт и монтажа, инсталациски работи, подготовка на земјиште и пристапни патишта, садење и расадување)
Грантот е целосно неповратен, а се што е набавено во рамки на инвестицијата останува во сопственост на корисникот.
Прочитај за останати грантови кои ти следуваат
Ако си фирма со погорните дејности ти си апликативен и за следни грантови:
20-50% поврат за веќе направени инвестиции
60-90% грант за фирми до 6 години стари
ФИТР
За анализа дали следува овој грант конкретно за твојот бизнис, за подетални информации, опис на процесот на аплицирање - направи состанок со наш стручен консултант и добиј од него бесплатен совет и насоки
Сакаш БЕСПЛАТЕН совет?
